Xruşşovkadan olan knyagina

Liza Moskvanın fəhlə qəsəbəsində santexnik işləyən atası ilə birlikdə sadə bir evdə yaşayır. Qəribə və gülməli təsadüflər zənciri nəticəsində o, Arbatda yerləşən mənzilə qulluqçu kimi işə düzəlir. Evin sahibi isə mərhum dirijorun oğlu və parıltılı «Kabriolet» jurnalının rəhbəri Qarrikdir.

Tezliklə iş adamının şou-bizneslə məşğul olan ögey bacısı Jenya məsələyə qarışır. O, kənardan gəlmiş bu sadə qızı kübar xanıma, böyük bir sərvətin varisinə çevirmək qərarına gəlir. Lakin bunun üçün Lizanın danışığını düzəltmək, ona yüksək cəmiyyət qaydalarını öyrətmək və davranışını tamamilə dəyişmək lazımdır.

«Xruşşovkadan olan knyagina» komediya və melodram serialı 2013-cü ildə Rusiyada çəkilib. Quruluşçu rejissoru Timur Kabulov olan layihənin baş rollarında Yevgeniya Turkova, Stanislav Bondarenko, Yelena Panova və Darya Kalmıkova çəkiliblər.