Bir qadının iki sevgilisi olsa və birini seçmək lazım gəlsə, nə etməlidir

Uğurlu vəkil Anna gərgin iş rejimində ona dəstək olacaq bir tərəfdaş axtarışına çıxır və bunu rəfiqəsi Larisa ilə bölüşür. Onun planı cəmi üç aylıq müvəqqəti münasibət qurmaqdan ibarətdir. Seçim mərhələsinin sonunda iki namizəd qalır: qayda-qanun sevən gənc texnokrat və əyləncəyə meylli yaşlı iş adamı. Hər iki kişi həm cəlbedicidir, həm də Annaya qarşı səmimi maraq göstərir.

Lakin gözlənilməz xəbər qadının bütün hesablamalarını alt-üst edir: o, tezliklə nənə olacağını öyrənir. İngiltərədən qayıdan səhlənkar oğlu özü ilə pakistanlı gəlini gətirir. Beləliklə, «Что делать женщине, если у неё два любовника, а выбрать нужно одного» serialının qəhrəmanı artıq özünə müvəqqəti ər deyil, doğulacaq nəvəsinə baba seçmək məcburiyyətində qalır.

İki mövsümdən ibarət olan Rusiya istehsalı layihə 2022-ci ildə işıq üzü görüb. Rejissoru Aleksey Kuzmin-Tarasov olan melodramatik komediyada baş rolları Yelena Lyadova, Aqrippina Steklova, Qoşa Kutsenko və Anton Filipenko canlandırıblar.