Cangüdənlər

Çelyabinskdən olan üç boksçu Dünya Çempionatına yola düşməzdən əvvəl Moskvada keçirilən qaydasız döyüşlərdə pul qazanmaq istəyir. İdman nizam-intizamının pozulduğunu bilən baş məşqçi onları dərhal yığmadan qovur. Planları alt-üst olan dostlar restoranda kədərli halda oturarkən tanınmış paytaxt vəkilinin mühafizəçiləri ilə aralarında qəfil dava düşür.

Bacarıqlarını nümayiş etdirən gənclər dərhal polis bölməsinə aparılır və onları həbs cəzası gözləyir. Lakin həmin hüquqşünas onlara seçim təklif edir: ya dəmir barmaqlıqlar arxasına getmək, ya da onun şəxsi mühafizəçisi olmaq. İdmançılar məcburiyyət qarşısında qalıb idman formalarını klassik kostyumlara dəyişirlər.

Rusiyada çəkilən «Cangüdənlər» komediya serialı 2023-cü ildə işıq üzü görüb. Ekran əsərinin rejissorları Konstantin Smirnov və Vladimir Bitokovdur, əsas rolları isə Yeqor Ovçinnikov, Oleq Qaas, Aleksandr Levin və Dmitri Lısenkov ifa edir. Layihə 2 mövsümdən ibarətdir.