18 yaşlı oliqarx

Kiyevdə yaşayan 45 yaşlı iş adamı Eduard dəbdəbəli günlər keçirir və ətrafındakı insanlara heç bir dəyər vermir. Lakin səhhətində qəfil yaranan ciddi problemlər və xanımının xəyanəti onun bu rahatlığını tamamilə darmadağın edir. Qisas almaq və mülkünü xəyanətkar həyat yoldaşına verməmək üçün o, bütün sərvətini və şirkətini kənddə böyüyən nikahdankənar qızına ötürmək qərarına gəlir.

Bütün var-dövlətin yeni sahibi Ramenevo kəndində yaşayan on səkkiz yaşlı Lesya olur. Lakin bu gənc qızla dil tapmaq heç də asan başa gəlmir, çünki Eduard vaxtilə onun anasını tərk edib və qızının üzünü heç vaxt görməyib. «18-летний олигарх» serialında bu iki yad insanın qarşılaşması gözlənilməz hadisələrlə davam edir.

Komediya və melodrama janrında olan layihə 2020-ci ildə Ukraynada lentə alınıb və rejissoru Andrey Silkindir. Əsas rolları İvan Oqanesyan, İrina Qrişak, Liliya Rebrik və Yekaterina Qulyakova ifa ediblər.