İlk kurs tələbələri

İllər əvvəl tələbə yoldaşları Janna və Nastya dəniz kənarında şəxsi restoran açmaq arzusunda idilər, lakin birinci kursdan sonra təhsillərini yarımçıq qoydular. İllər keçir və hər iki qadının həyatında çətin dövr başlayır: Nastyanın oğulları hərbi xidmətə yollanır, Jannanın isə ərinin xəyanəti üzündən ailəsi dağılır. Keçmişi xatırlayan rəfiqələr vaxtilə universiteti atdıqları üçün peşmanlıq hissi keçirirlər.

Qadınlar həyatı yenidən başlamaq qərarına gəlir və yenidən ali məktəbə daxil olurlar. Onlar vaxtilə qaldıqları tələbə yataqxanasına köçərək dərslərə başlayırlar. Qırx yaşında dünənki məktəblilərlə eyni parta arxasında oturmaq və gənclərlə dil tapmaq asan olmasa da, onlar çətinliklər qarşısında geri çəkilmirlər.

«İlk kurs tələbələri» komediya serialının rejissorları İlya Yermolov və Alyona Korçaginadır. Baş rolları Anna Ukolova, Yekaterina Stulova, Yekaterina Malikova və Lyudmila Artemyeva canlandırıblar. Rusiya istehsalı olan layihə iki mövsümdən ibarətdir.