American Classic

Brodveyin tanınmış aktyoru Riçard Bin ictimai qalmaqaldan sonra nüfuzunu itirir və diqqətdən kənarda qalmaq qərarına gəlir. O, yaradıcılıq yolunun başladığı doğma əyalət şəhərciyinə, ailəsinə məxsus teatra üz tutur. Məkanın tənəzzülə uğradığını görən iddialı sənətçi həm teatrı xilas etmək, həm də şöhrətini bərpa etmək üçün Amerika klassikasını səhnələşdirməyə başlayır. Riçard bu tamaşada həm quruluşçu rejissor, həm də baş rol ifaçısı kimi çıxış etməyi planlaşdırır.

Paytaxtdan qayıdan aktyorun gəlişi ailə üzvlərinin sakit həyatını alt-üst edir. Şəhərdə onu qardaşı və keçmiş sevgilisi gözləyir. Keçmiş məşuqəsi indi qardaşı ilə evlidir və eyni zamanda şəhərin meri vəzifəsini icra edir.

ABŞ istehsalı olan «American Classic» komediya serialı rejissor Maykl Hoffman tərəfindən lentə alınıb. 2026-cı il layihəsində əsas rolları Kevin Klayn, Lora Linni, Con Tenni və Eliz Kibler canlandırır.