Həkimin gündəliyi

Şəxsi həyatında uğursuzluqla üzləşən həkim Qretxen Haze hər şeyi yenidən başlamağa qərar verir. O, cərrahiyyə professoru olan atasının və hər şeyə qarışan anasının yanına qayıdaraq bütün diqqətini xəstəxanadakı karyerasına yönəltmək istəyir. Lakin tibbi vəzifələrini layiqincə yerinə yetirməyə çalışsa da, ətrafındakı münasibətlər qısa müddətdə qarışıqlığa çevrilir.

Kişilərdən uzaq durmaq niyyəti şöbəyə yeni baş həkimin gəlişi ilə pozulur. Bu vəzifəyə Qretxenin məktəb illərində sevdiyi Mark Meyer təyin edilir. Digər tərəfdən isə xeyirxah ginekoloq Mehdi Kaan da onun diqqətini çəkməyə çalışır və gənc qadın duyğuları ilə peşəkar məsuliyyətləri arasında seçim etmək məcburiyyətində qalır.

Almaniya istehsalı olan «Doctor's Diary - Männer sind die beste Medizin» komediya serialı 2008-ci ildə yayımlanıb və 3 mövsümdən ibarətdir. Ekran işinin rejissorluğunu Sofiya Allet-Koxe ilə Frantsiska Meyer Prays edib, baş rolları isə Diana Amft, Peter Praqer, Ursela Monn və Florian David Fits canlandırıb.