Spaced

Tim və Deyzi eyni vaxtda küçədə qalırlar. Qızı dostları evdən qovur, oğlanı isə sevgilisi tərk edərək onun keçmiş tanışının yanına gedir. Marşa Klyaynın evində ucuz mənzil kiralamaq istəyən gənclər məcburiyyətdən özlərini sevgili kimi təqdim edirlər.

Bu cür qonşuluq qəhrəmanların həyatını gözlənilməz hadisələrlə doldurur. Onlarla yanaşı həmin binada bədbin rəssam Brayan yaşayır. Həmçinin Timin silahlara aludə olan dostu Mayk, Deyzinin rəfiqəsi Tvist və qızı ilə tez-tez problemlər yaşayan ev sahibəsi də vaxtaşırı müxtəlif gülməli vəziyyətlərə düşürlər.

Böyük Britaniya istehsalı olan «Spaced» komediya serialı 1999-cu ildə yayımlanıb. Layihənin rejissoru Edqar Raytdır, baş rolları isə Saymon Peqq, Cessika Hayns, Culiya Dikin və Nik Frost canlandırıb. Serial iki mövsümdən ibarətdir.