Çətin uşaq

Peşəkar futbolçu Fil aldığı zədə üzündən karyerasına fasilə verməli olur və ixtisasına uyğun olaraq məktəbdə müəllimliyə başlayır. Lakin tətbiq etdiyi həddən artıq radikal tədris metodlarına görə gənc adamı tezliklə oradan da qovurlar. Sağalıb böyük idmana qayıtmaq üçün əməliyyat pulu toplamalı olan qəhrəman fərdi dərslər verməyə və xırda qazanclarla kifayətlənməyə məcbur qalır.

Gözlənilməz bir təsadüf nəticəsində Filin himayəsinə Lemur ləqəbli kriminal avtoritetin on üç yaşlı oğlu Makar keçir. O, cinayətkar aləminə qoşulmaq istəyən bu çətin yeniyetməni yola gətirməli, eyni zamanda sahə müvəkkilinin ali məktəbə hazırlaşan qızı Daşaya atasının etirazlarına rəğmən kömək etməlidir. Bu sınaqlar sayəsində Fil ilk dəfə böyüklər kimi məsuliyyət daşımağı və başqaları üçün risk etməyi öyrənir.

«Çətin uşaq» komediya serialının rejissor kürsüsündə Vladimir Bolqov və Velimir Rusakov əyləşiblər. 2026-cı il Rusiya istehsalı layihədə əsas rolları Qennadi Blinov, Boris Deykov, Aleksandr Loye və Vasili Kortukov paylaşıblar.