Papashilar

Əsassız ittihamla iyirmi il həbs cəzası çəkən İnnokenti Boçkin azadlığa qovuşur. O, böyüyüb boya-başa çatmış qızı Nastya ilə yenidən əlaqə qurmaq istəyir. Qızı isə bu vaxta qədər qanunsuz işlərdə iştirak etməkdən boyun qaçırdığı üçün təqaüdə göndərilən keçmiş milis polkovnik-leytenantı Vasili Tuçkov böyüdüb. Boçkin qurduğu fəndlərlə nəinki Tuçkovun evinə köçməyi, həm də onun bacısı Mariya ilə yaxın münasibət qurmağı bacarır.

Nastyanı və onun hər iki atasını qarşıda yeni çətinliklər gözləyir. Şərait elə gətirir ki, Boçkin bir kriminal nüfuz sahibinin sifarişi ilə vəzifəli şəxsdən rəsm əsərini oğurlamaq məcburiyyətində qalır. Hadisədən xəbər tutan məmur isə oğurluq baş verməmiş keçmiş məhbusu yenidən dəmir barmaqlıqlar arxasına göndərmək üçün əlindən gələni edir.

«Papashilar» komediya serialı rejissor Leonid Mazor tərəfindən 2011-ci ildə ekranlaşdırılıb. Rusiya və Ukrayna istehsalı olan bu layihədə əsas obrazları Roman Madyanov, Sergey Qazarov, Natalya Nozdrina və Tatyana Doqileva canlandırır.