Samohonçular

Kiçik şəhərdəki spirtli içki zavodunun texnoloqu Anya Karpuxina məhsulun keyfiyyətindən narazı qalaraq qədim reseptlə gizlicə xüsusi araq hazırlayır. Rəhbərlik bu addımı bağışlamır: qızı işdən qovur və üzərinə bir milyon rubl cərimə qoyurlar. Borcu bağlamaq üçün Anya iki rəfiqəsinin köməyi ilə hazırladığı iki min şüşə spirtli içkini gizli yolla satmaq qərarına gəlir.

Bütün bu problemlərin səbəbkarı isə zavodun Moskvadan gəlmiş təkəbbürlü gənc direktoru İqor Proskudindir. Şəhərdə əla keyfiyyətli qanunsuz içkinin satıldığını öyrənən İqor gizli istehsalçıları tapıb cəzalandırmağa çalışır. Lakin onun səyləri ilə ifşa olunub saxlanılan Anyaya qarşı qəflətən hisslər bəsləməyə başlayır. Hadisələrə həmçinin sədaqətli rəfiqələr, rüşvətxor məmurlar, içkiyə qurşanmış polislər, istedadlı rəssam və hətta bir italyan qrafı da qoşulur.

«Samohonçular» komediya serialının quruluşçu rejissoru Anario Məmmədovdur. Rusiya istehsalı olan layihə 2021-ci ildə işıq üzü görüb. Baş rolları Lera Kristiansen, Yanina Sokolovskaya, Yekaterina Dubakina və Anton Denisenko canlandırıblar.