Onun ürəyinə gedən açar

Otuz yaşlı Darya evində masajçı işləyir və pasiyent sarıdan heç vaxt korluq çəkmir. Qadınlar təkcə sağlamlıq problemlərini həll etmək üçün deyil, həm də kişilərin dilini tapmaq barədə məsləhətlər almaq üçün onun qəbuluna növbəyə dururlar. Öz şəxsi həyatında isə sükunətdir. Daryanın bəyəndiyi yeganə şəxs pəncərədən gizlicə seyr etdiyi qonşusu Saşadır, lakin onlar heç vaxt ünsiyyətdə olmayıblar.

Bir gün onun yanına İrina adlı gözəl bir müştəri gəlir və uşaqlıq dostu ilə evlənmək üçün yardım istəyir. Həmin dostun məhz Saşa olduğu üzə çıxır. Belini zədələyən Saşaya iş səfərində masajçı lazım olur və Darya məlumat toplamaq bəhanəsilə onunla yola çıxır. Lakin yol boyu gənc kişi ilə vaxt keçirdikcə Darya onun üçün ən uyğun qadının məhz özü olduğunu düşünməyə başlayır.

«Onun ürəyinə gedən açar» adlı Rusiya komediya serialı rejissor Kira Angelina tərəfindən çəkilib. Layihə 2016-cı ildə işıq üzü görüb. Baş rolları Alla Yuqanova, Vladimir Seleznyov, Alyona Xmelnitskaya və Qriqori Zeltser canlandırıblar.