Sevgi və dəniz

Marina dəniz kənarındakı kiçik bir sanatoriyada masajçı və kosmetoloq kimi çalışır. Keçmiş idmançı olan əri Aleksey də elə həmin məkanda fəaliyyət göstərir. Vaxtilə bir-birini sevən cütlüyün hissləri artıq soyuyub və evlilikləri adi vərdiş halına gəlib.

Sanatoriyaya Liza adlı cəlbedici bir qadının gəlişi vəziyyəti dəyişir. İndiyə qədər heç bir kişinin etirazı ilə qarşılaşmayan Liza, sadiq ailə başçısı sayılan Alekseyi yoldan çıxarmağı qarşısına məqsəd qoyur. Ərinin xəyanətindən xəbər tutan Marina dərhal qalmaqal salmaq istəsə də, rəfiqəsi Nataşa ona başqa çıxış yolu təklif edir: gözəlləşmək, qısqanclıq hissi oyatmaq və özünə yeni pərəstişkar tapmaq.

«Sevgi və dəniz» («Любовь и море») komediya serialı rejissor Dmitriy Fiks tərəfindən lentə alınıb. Rusiya və Ukraynanın birgə istehsalı olan bu layihə 2016-cı ildə işıq üzü görüb. Ekran əsərində əsas rolları Anastasiya Zavorotnyuk, Vyaçeslav Razbeqayev, Olesya Jurakovskaya və Aleksandr Suvorov canlandırıblar.