Müdir və işçi arasındakı sevgi məyusluqdur

Satış şöbəsinin əməkdaşı Mayumi Maruyama işini çox sevir və vaxtaşırı ofisdə gec saatlara qədər qalır. Şirkətin təşkil etdiyi qonaqlıqların birində o, ümumi şöbənin rəhbəri Osamu Teyci ilə qarşılaşır. Teyci isə tam fərqli prinsipə malikdir: o, iş və istirahət balansını qoruyur, iş vaxtı bitən kimi dərhal evə yollanır.

İş rejimi ilə bağlı fikir ayrılığı mübahisəyə səbəb olsa da, spirtli içkinin təsiri ilə onlar bir-birinə yaxınlaşır və gecəni bir yerdə keçirirlər. Səhəri gün Mayumi ona qarşı hisslərinin yarandığını anlayır. Lakin Teyci məsafə saxlayaraq baş verənləri sadəcə yetkin insanların səhvi kimi qəbul etməyi tələb edir.

Yaponiya istehsalı olan bu romantik komediya serialı 2022-ci ildə nümayiş olunub. Layihənin rejissor kürsüsündə Takahiro Horie və Makito Murakami əyləşib, baş rolları isə Yurika Nakamura, Terunosuke Takezai, Tomomi Maruyama və Qaku Sano canlandırıblar.