Cülyetta üçün brilyantlar

Demək olar ki, heç spirtli içki qəbul etməyən üç tələbə yoldaş — Paşa, Keşa və Lyova — müntəzəm olaraq gözlənilməz hadisələrin mərkəzinə düşürlər. Bu macəralarda ən çox əziyyət çəkən isə Paşa olur. O, gah xuliqan və soyğunçuya, gah santexnikə, gah yöndəmsiz at minicisinə, gah da milis şöbəsində istintaq altına alınan bir şübhəliyə çevrilməli olur.

Hadisələr inkişaf etdikcə ətrafdakı insanların və əşyaların da əsl mahiyyəti dəyişir. Sadəlövh sibirli əslində məşhur bir fırıldaqçı çıxır, imkanlı sponsor adi cibgirləri xatırladır, utancaq qarderobçu qız isə səhnə istedadını kəşf edir. Parlaq brilyantlar saxta çıxarkən, ucuz bəzək əşyaları nəsildən-nəslə keçən qiymətli xəzinəyə çevrilir və ən təvazökar qəhrəmanın əlinə keçir.

Rusiyanın istehsalı olan «Cülyetta üçün brilyantlar» adlı komediya serialı 2005-ci ildə nümayiş olunub. Ekran işinin quruluşçu rejissoru Valeri Çikovdur. Əsas rolları Tatyana Arntqolts, Alisa Qrebenşşikova, Anton Krınin və Mixail Puqovkin canlandırıblar.