Sevgi inqilabı

Yuxarı sinif şagirdi Qon Cu-yon dərs ilinin ilk günündə pul kisəsini evdə unudur və avtobusda gediş haqqını verə bilmir. Həmin an onun köməyinə heç tanımadığı bir qız çatır və bileti özü ödəyir. Gözlənilməz xilaskarına ilk baxışdan bağlanan Cu-yon çox keçmədən öyrənir ki, bu qız onun yeni sinif yoldaşı Van Ca-rimdir.

Lakin gənc qız heç də hər kəsə tez alışan biri deyil. Van Ca-rim soyuqqanlılığı və insanlara qarşı laqeydliyi ilə tanınır, bu üzdən Cu-yonun göstərdiyi diqqətə heç bir reaksiya vermir. Bütün bunlara baxmayaraq, nikbin və inadkar oğlan sevdiyi qızın qəlbini qazanmaq fikrindən daşınmır.

Cənubi Koreya istehsalı olan «Sevgi inqilabı» serialı 2020-ci ildə ekranlara çıxıb. Romantik komediyanın rejissoru So Cu-vandır, əsas rolları isə Pak Çi-hun, Li Rubi, Con Da-ın və An Do-gyu canlandırıb.