2Wish

Universiteti bitirdikdən sonra Tu və Vit bir yerdə yaşamaq qərarına gəlirlər. Gənclər tezliklə gündəlik məişət qayğılarının düşündüklərindən daha çətin olduğunu görürlər. Tu daimi iş taparaq xərcləri qarşılayır, Vit isə karyerasını qura bilmədiyi üçün ev işləri ilə məşğul olmağa məcbur qalır və özünə inamını itirir.

Tunin iş mühiti münasibətləri daha da mürəkkəbləşdirir. O, layihələr səbəbilə tanınmış bir bloqer qadınla tanış olur və onunla xeyli vaxt keçirməyə başlayır. Bu ünsiyyət Vitdə güclü qısqanclıq yaradır və onların bağlarını sınağa çəkir.

«2Wish» Tayland istehsalı olan melodram və romantik komediya serialıdır. 2019-cu ildə yayımlanan layihənin baş rollarında Phiravich Attachitsataporn və Rathavit Kijworalak çəkiliblər.