Görüş: Sevgi nə cür bir şeydir?

Tokio Universitetinin məzunu olan iyirmi doqquz yaşlı Yoriko Yabuşita Yokohamadakı tədqiqat laboratoriyasında iqtisadçı işləyir. Ciddi və sərt xarakteri səbəbindən insanlarla asanlıqla ünsiyyət qura bilmir. Ətrafındakıların və anasının nümunəsinə əsaslanaraq, otuz yaşına çatmadan ailə qurmağı və uşaq sahibi olmağı qarşısına məqsəd qoyur. Meyarlarına uyğun namizəd axtarışına çıxan Yoriko evlilik agentliyinə üz tutur.

Otuz beş yaşlı Takumi Taniquti də həmin xidmətə müraciət edir. Ali təhsilli olmasına baxmayaraq, işləmir, günlərini kitab oxumaqla və musiqi dinləməklə keçirir, tamamilə anasının himayəsində yaşayır. Anasının daim ona baxa bilməyəcəyini anlayan Takumi maddi cəhətdən ona dayaq olacaq bir qadınla evlənmək qərarına gəlir. «Görüş: Sevgi nə cür bir şeydir?» serialının qəhrəmanları sevgi hisslərindən uzaqdır və bu addımı sırf qarşılıqlı müqavilə kimi qəbul edirlər.

Yaponiya istehsalı olan bu romantik komediya 2015-ci ildə ekranlara çıxıb. Layihənin rejissor kürsüsündə Hideki Takeuchi və Junichi Ishikawa əyləşib. Əsas obrazları Anne Watanabe, Hiroki Hasegawa, Ryoko Kuninaka və Yuto Nakajima canlandırıb.