Bratya po obmenu

Valeri Pereçixin paytaxtda böyük uğur qazanıb: o, iri yol-tikinti şirkətinə rəhbərlik edir, Dövlət Dumasının ekspert şurasında təmsil olunur və televiziyada tez-tez çıxış edir. Onun əkiz qardaşı Fyodor isə kənddə qalıb və taleyi tamamilə başqa cür alınıb. Batırdığı traktora görə məhkum olunan və içki düşkünü olan Fyodor atasının evindən bir neçə kilometr aralıdakı məntəqə tipli koloniyada cəza çəkir. Otuz illik ayrılıqdan sonra qardaşlar onları vaxtilə evdən qovmuş atalarının dəfn mərasimində bir araya gəlirlər.

Qəbiristanlıqdan sonra təşkil edilən məclis möhkəm dava-dalaşla nəticələnir. Səhəri gün gözlənilməz təsadüf üzündən qardaşlar yerlərini dəyişik salırlar. Nəticədə varlı iş adamı kənddəki cəzaçəkmə məntəqəsinə düşür, onun sadəlövh əkizi isə Moskvaya yollanaraq biznesmen həyatı yaşamağa məcbur qalır. Bu qəfil dəyişiklik təkcə qəhrəmanların özlərini deyil, həm də onların ətrafındakı insanların həyatını tamamilə dəyişir.

«Bratya po obmenu» adlı Rusiya istehsalı komediya serialı 2013-cü ildə rejissor Aleksandr Jiqalkin tərəfindən çəkilib və 2 mövsümdən ibarətdir. Ekran əsərində əsas obrazları hər iki əkizi canlandıran Fyodor Dobronravov, eləcə də Mariya Aronova, Boris Klyuyev və Yelena Şevçenko oynayıblar.