The Long Firm

«The Long Firm» adlı cinayət serialı 1960-cı illərin London mühitindən bəhs edir. Şərq Londonun qorxunc avtoriteti Harri Starks Sohodakı gecə klubunun sahibidir. Pula və gənc oğlanlara düşkün olan bu adam eyni zamanda Cudie Qarlendin sənətinə pərəstiş edir. Britaniya mətbuatı qəddar işgəncə üsullarına, qəfil qəzəb və dərin depressiya hallarına görə onu Əzabverənlərin Bossu adlandırır.

Cəmiyyətdə nüfuz qazanmaq istəyən Starks şou-biznes, xeyriyyəçilik, boks yarışları və qumarxanalar aləmində fəaliyyət göstərir. Serial dörd fərqli insanın xatirələrindən ibarətdir. Onların hər biri Harri ilə birgə keçirdikləri dövrü, yaşadıqları çətinlikləri və bu təhlükəli şəxsiyyətin həyatlarına vurduğu izləri danışır.

Böyük Britaniya istehsalı olan bu dram layihəsini 2004-cü ildə rejissor Bille Eltringem çəkib. Əsas obrazı Mark Stronq canlandırıb, digər rollarda isə Corc Kostiqan, Nil Konriç və Ceff Bell çəkiliblər.