Riteon

Maddi durumu o qədər də yaxşı olmayan qadın vəkil məhkəmə işləri ilə yanaşı televiziyada hüquq verilişinə aparıcılıq edir. Günlərin birində o, bir polis detektivi ilə birləşərək səs-küylü qətl hadisəsinin araşdırmasına qoşulur. Bu cinayətdə şübhəli bilinən şəxslər isə nüfuzlu təbəqənin nümayəndələridir.

İstintaqın diqqət mərkəzində varlı və cəmiyyətdə xüsusi çəkisi olan ailələrin övladları dayanır. Həqiqəti üzə çıxarmaq istəyən vəkillə detektiv, ailələrinin gücünə arxalanan şübhəlilərin yaratdığı maneələri dəf etməli olurlar.

Cənubi Koreya istehsalı olan «Riteon» adlı kriminal dram serialı 2018-ci ildə nümayiş olunub. Layihənin rejissoru Cu Don-mindir, əsas rolları isə Qo Hyon-con, Pak Cin-hi, Li Cin-uk və Çon In-çe canlandırıblar.