Qızıl saat

Xüsusi xidmət orqanlarında terror aktından dərhal sonrakı ilk altmış dəqiqə «qızıl saat» adlanır. Məhz bu müddət ərzində cəmiyyətdə qorxu və çaşqınlıq hökm sürür, yeni hücum təhlükəsi isə ən yüksək həddə çatır. «Het gouden uur» serialı Niderlandda baş verən partlayışdan sonra operativ qurumların fəaliyyətini əks etdirir.

Hadisə yerində araşdırmalara əfqan əsilli detektiv Mardik başlayır. O, hücumdan bir gün əvvəl ölkəyə gəlmiş uşaqlıq dostundan şübhələnərək onun izinə düşür. Mardik keçmiş tanışının cinayətdə əli olduğunu sübut etməyə çalışarkən, xüsusi kəşfiyyat və təhlükəsizlik orqanının əməkdaşı Coel diqqətini detektivin özünə yönəldir və onun günahkar olduğuna getdikcə daha çox inanır.

Niderland istehsalı olan bu kriminal dram və trilleri rejissor Bobbi Burmans ərsəyə gətirib. Ekran işində əsas rolları Nasrdin Dhar, Ellen Parren, Nabil Mallat və Abbas Şirafkan ifa edirlər. İki mövsümdən ibarət layihənin ilk seriyaları 2022-ci ildə işıq üzü görüb.