Factice

Viktuar Brünel şəhər kənarında əri, qardaşı və iki yeniyetmə övladı ilə sakit bir həyat sürür. O, tibbi katibə və qrafik dizayner kimi çalışaraq ailəsini dolandırmağa kömək edir. Lakin həyat yoldaşının işdə aldığı ağır xəsarət ailəni böyük borclar içinə sürükləyir.

Çıxış yolu tapmaq istəyən Viktuar sənədləri saxtalaşdırmaq bacarığından istifadə etmək qərarına gəlir. O, qardaşı ilə birlikdə qanunsuz iş qurur. Qazancları artsa da, onların bu təhlükəli fəaliyyəti yerli mafiya şəbəkəsinin diqqətini cəlb edir.

Fransa istehsalı olan «Factice» serialı 2025-ci ildə ekranlara çıxıb. Rejissoru Jüli Roar olan layihənin əsas rollarında Yuliya Abiss, Ann Kosinyi, Jeremi Koviyo və Karolin Anqlad çəkiliblər.