Fors-major

Əyalət şəhərindəki gizli klinikada yerli cinayətkar qruplaşmanın rəhbərinin xarici görkəmini dəyişmək üçün qanunsuz cərrahiyyə əməliyyatı planlaşdırılır. Lakin qatilin gizlicə palataya daxil olub kriminal avtoritetə ölümcül maddə vurması ilə bütün plan pozulur. Gecə növbəsində çalışan tibb qardaşı Vitya səs-küyə gələrək xəstənin can verdiyini görür və ona ağrıkəsici vurur. İnyeksiyadan dərhal sonra pasiyentin ölməsi gənci dəhşətə gətirir, çünki o, ölümə öz tibbi səhvinin səbəb olduğunu düşünür.

Vityanın köməyinə yaxın dostu Artyom çatır. O, çıxış yolu kimi Vityaya həmin mafioz rolunu oynamağı təklif edir, çünki ətrafdakılar onun xarici görkəminin əməliyyatla dəyişdiyini güman edir. Beləliklə, iki dost həyatlarını kökündən dəyişdirəcək təhlükəli bir fırıldağa başlayır.

«Fors-major» kriminal komediya serialı 2017-ci ildə Rusiyada ekranlara çıxıb. Layihənin rejissoru Aleksandr Jiqalkindir. Əsas rolları Pavel Priluçnı, İlya Qlinnikov, Diana Pojarskaya və Aleksandr İlyin canlandırıb.