Sonuncu öküz

Polis Mixael «Mik» Brizqau səksəninci illərin sonunda ağır yaralanaraq uzunmüddətli komaya düşür. İyirmi il sonra gözlərini açan detektiv tamamilə dəyişmiş bir dünya ilə qarşılaşır: hər kəsin cib telefonu və fərdi kompüteri var. Şəxsi həyatı da dağılıb; həyat yoldaşı başqası ilə ailə qurub, yetkinlik yaşına çatmış qızı İzabel isə atasını demək olar ki, tanımır. Yalnız mətbuat nümayəndələri komadan ayılan detektivə böyük maraq göstərir.

Köhnə işinə qayıdan Mik yeni qaydalarla barışmaq məcburiyyətində qalır. O, düşündüyünü dərhal deyən, bir qədər sərt xasiyyətli və köhnə metodlara sadiq bir polisdir. Yeni əsrə uyğunlaşmaqda ona gənc həmkarı Andreas Krinqqe və polis psixoloqu Tanya Haffner kömək etməyə çalışır, lakin köhnə vərdişləri kənara qoymaq asan deyil.

Almaniya istehsalı olan «Sonuncu öküz» (Der letzte Bulle) kriminal dram serialı 2010-cu ildə yayımlanmağa başlayıb və altı mövsümdən ibarətdir. Ekran işinin rejissorları Sebastian Viqq və Sofiya Allet-Koxe, baş rol ifaçıları isə Henninq Baum, Maksimilian Qrill və Robert Lordur.