Yaxşı insanlar

Gecə vaxtı kimsəsiz yolda ağır avtomobil qəzası baş verir və dərhal polisə xəbər çatır. Qəza nəticəsində maşındakı qadın sərnişin həyatını itirir, sükan arxasında olan əri Tom isə sağ qalır.

Hadisə yerinə gələn asayiş keşikçiləri qəzanın təsadüf olub-olmadığını araşdırmağa başlayırlar. Kədərli ərə baxanda bu fəlakəti onun qəsdən törətdiyinə inanmaq çətindir. Polis Tomun həqiqətən təqsirkar olduğunu, yoxsa bədxahları tərəfindən şərləndiyini üzə çıxarmalıdır.

Belçika istehsalı olan «Des gens bien» adlı komediya və kriminal serialı 2022-ci ildə işıq üzü görüb. Ekran işinin rejissorları Stefan Berqmans və Benjamin d'Aoust-dur. Baş rollarda Lukas Mayster, Beranjer Maknis, Jan-Fransua Qallot və Marie-Luc Adam çəkiliblər.