Əsir qadın

Svetlana mikrobiologiya sahəsində böyük uğur qazanaraq yeni antibiotik kəşf edir və iri əczaçılıq şirkətinin əsasını qoyur. Lakin elmi fəaliyyətinə həddindən artıq aludə olması onun şəxsi həyatında ağır faciəyə səbəb olur — hamiləliyinin yeddinci ayında övladını itirir. Yaşanan itkidən sonra qadın işi bir müddətlik kənara qoyaraq diqqətini ailəyə yönəltməyi seçir və idarəçiliyi əri Alekseyə tapşırır.

Tezliklə məlum olur ki, Aleksey heç də qayğıkeş ailə başçısı deyil. O, gecələrini gizli qumarxanada keçirir və böyük məbləğlərdə pul uduzur. Növbəti məğlubiyyətlərin birində əlində olan hər şeyi itirən ər qumar masasına öz arvadını qoymaq qərarına gəlir.

2021-ci il istehsalı olan «Əsir qadın» (Plennitsa) serialının rejissoru Roman Barabaşdır. Layihədə baş rolları Yelena Polyanskaya, Aleksandr Nikitin, Oleq Zaqorodniy və Stanislav Bjezinski canlandırıb.