Maharacanın qızı

Polis zabiti Patrik O'Reyli uşaq həkimi Messua Şandar ilə evlənməyə hazırlaşır. Messua isə ondan böyük bir sirr saxlayır: atası Lahor maharacası və dünyanın ən zəngin adamlarından biridir. Qadın toy öncəsi atasını görmək üçün Hindistana yollanır.

Vətənində Messuanın əlini taxt-tac arzusu ilə yaşayan şahzadə Çandraqupta istəyir. Rədd cavabı alan şahzadə qızı qaçırır. Messuanın Kanadaya dönməli olduğu təyyarə qəzaya uğrayanda hamı onun öldüyünü düşünür, lakin buna inanmayan Patrik sevgilisini axtarmaq qərarına gəlir.

"The Maharaja's Daughter" serialı 1994-cü ildə rejissor Bert Brinkerhoff tərəfindən çəkilib. ABŞ, Kanada, Almaniya və İtaliyanın ortaq istehsalı olan layihədə baş rolları Brüus Boksleytner, Hanter Taylo, Kabir Bedi və Toni Lo Byanko canlandırır.