Həssas iş

Ceraldina Brederik və onun beşyaşlı qızı Lüsini dəbdəbəli malikanələrinin vanna otağında ölü tapırlar. İşi araşdırmaq üçün serjant Çarli Seyler və konstebl Saymon Uoterhaus cəlb olunur. Seyler bunun intihar olduğunu zənn etsə də, Uoterhaus onun fikri ilə qətiyyən razılaşmır.

Şübhələr ölən qadının əri Mark Brederikin təqdim etdiyi alibiyə yönəlir və onun doğruluğu sual altına düşür. Bu əsnada yerli otelin əməkdaşı Salli Torn qətldən xəbər tutub dəhşətə gəlir, çünki bir neçə ay öncə o, Mark Brederik adlı şəxslə tanış olaraq qısa və ehtiraslı bir münasibət yaşamışdı.

Böyük Britaniya istehsalı olan «Case Sensitive» kriminal triller serialı 2011-ci ildə ekranlara çıxıb. Layihənin rejissorluğunu Çarlz Martin və Con Striklend edib, əsas rolları isə Oliviya Uilyams, Darren Boyd, Piter Uayt və Ralf Ayneson paylaşıb.