Bəraət

Uğurlu iş adamı Aksel Borqen Asiyada keçirdiyi iyirmi ildən sonra Norveçdəki doğma qəsəbəsinə qayıdır. Onun gəlişinin əsas səbəbi yerli əhalinin dolanışıq mənbəyi sayılan böyük şirkəti iflas təhlükəsindən qurtarmaqdır. Lakin qəsəbə sakinləri keçmişi unutmayıb və onu heç də xoş qarşılamırlar.

İllər əvvəl Aksel sevgilisinin qətlində şübhəli bilinmiş, məhkəmədə bəraət qazandıqdan dərhal sonra doğma yerləri tərk etmişdi. Rəsmi qərara baxmayaraq, yerli camaat hələ də onun cəzadan yayındığına və qatil olduğuna inanır. Sahibkar indi həm şirkəti xilas etməli, həm də ətrafdakıların dərin nifrəti ilə üzləşməli olur.

İki mövsümdən ibarət olan «Frikjent» adlı Norveç istehsalı kriminal dram serialı rejissorlar Qer Henninq Hopland və Rune Denstad Lanqlo tərəfindən çəkilib. Baş rolları Nikolay Kleve Brok, Lena Endre, Henrik Rafaelsen və İnqar Helqe Qimle canlandırıblar.