Øyevitne

Henning və Filipp qonşuluqda yaşayan iki yaxın dostdur. Gecə vaxtı motosikletlə qum karxanasına gedən gənclər Henningin qarşıdakı yarışlara hazırlığını izləyirlər. Yorulduqdan sonra su içmək üçün yaxınlıqdakı daxmaya daxil olduqları an kənardan bir maşının yaxınlaşdığını eşidirlər.

Qəfildən başlayan atışma nəticəsində bir neçə nəfər yerindəcə həyatını itirir, cinayətkar isə gizlənən gəncləri görür. Hadisə yerindən qaçmağı bacaran dostlar həmin gecə karxanada olma səbəblərinin üzə çıxmasından qorxaraq susmağa qərar verirlər. Lakin qatilin onların izinə düşmə ehtimalı və polisin araşdırması sirri saxlamağı çətinləşdirir.

Norveç istehsalı olan «Øyevitne» cinayət və dram serialı 2014-cü ildə rejissor Jarl Emsell Larsen tərəfindən lentə alınıb. Baş rollarda Aksel Bøyum, Anneke von der Lippe, Odin Waage və Per Kjerstad Andersen çıxış edir.