İctimaiyyət düşmənləri

Həyat yoldaşını qətlə yetirməkdə təqsirləndirilən Eddi düz on il həbsxanada cəza çəkir. İyirmi səkkiz yaşında azadlığa buraxılan gənc adam cəmiyyətə yenidən uyğunlaşmaq məcburiyyətində qalır. Onun nəzarətçisi isə hazırda işində sınaq müddətini keçən Pola adlı müfəttiş təyin edilir.

Eddi arvadının ölümündə heç bir günahı olmadığını iddia edir və adını təmizə çıxarmaq üçün kömək istəyir. Pola isə riskli vəziyyətlə üzləşir: ya himayəsindəki şəxsə inanaraq karyerasını təhlükəyə atmalı, ya da onun ədalət axtarışına göz yummalıdır.

«Public Enemies» adlı Britaniya serialı 2012-ci ildə ekranlara çıxıb. Kriminal dramın rejissoru Dirbla Uolşdur, baş rolları isə Anna Fril, Deniel Meys, Lorreyn Eşborn və Piter Uayt canlandırıb.