Nümunəvi ailə

Universitet müəllimi Pak Ton-ha vəzifəsini böyütmək üçün professoruna böyük məbləğdə rüşvət verir. Lakin həmin professorun adı cinsi qısnama qalmaqalına qarışır və vəzifə xəyalları puç olur. Üstəlik, xəstə oğlunun əməliyyatı üçün toplanan və rüşvətə gedən pulları geri almaq mümkün olmur. Ümidsiz vəziyyətdə olan kişi kimsəsiz yolda içi cəsədlərlə və külli miqdarda pulla dolu naməlum bir avtomobil tapır.

Ton-ha tərəddüd etmədən çantadakı nəğd vəsaiti götürür, meyitləri isə öz həyətində basdırır. Beləliklə, o, təkcə mütəşəkkil cinayətkar qruplardan və hüquq-mühafizə orqanlarından yayınmaq məcburiyyətində qalmır. Eyni zamanda, yığılan vəsaitin itdiyindən xəbəri olmayan həyat yoldaşına da yalan danışmalı olur.

Cənubi Koreya istehsalı olan «A Model Family» serialı 2022-ci ildə ekranlara çıxıb. Kriminal dramın rejissor kürsüsündə Kim Cin-u və Pak Yu-yon əyləşib. Baş rolları Çon U, Pak Hi-sun, Yun Cin-so və Pak Çi-yon canlandırıb.