Joan

Hadisələr 1980-ci illərin Londonunda cərəyan edir. Problemli ailə mühitindən uzaqlaşmaq istəyən Coan erkən yaşda ailə qurur, lakin seçdiyi həyat yoldaşı da valideynlərindən fərqlənmir. Tezliklə ərinin həbsxanaya düşməsi və balaca qızının uşaqlar evinə verilməsi gənc qadının həyatını alt-üst edir.

Övladını geri qaytarmaq və vəziyyəti dəyişmək istəyən qadın fərqli bir yol seçir. O, bəzək əşyaları və daş-qaş oğurlamağa başlayaraq tədricən cinayətkar aləmə qədəm qoyur. Beləliklə, Coan həyatını yenidən qurmaq naminə təhlükəli addımlar atmaq məcburiyyətində qalır.

Böyük Britaniya istehsalı olan «Joan» kriminal dram serialı 2024-cü ildə işıq üzü görüb. Rejissor Riçard Ləkstonun çəkdiyi layihədə əsas rolları Sofi Törner, Frenk Dilleyn, Mia Milliçamp-Lonq və Qerşvin Estaş kiçik canlandırıblar.