Axtarışçı

Viktor Popov polis sıralarına qanunu və ictimai asayişi qorumaq amalı ilə gəlmişdi. Lakin illər keçdikcə təcrübəli əməliyyatçı mövcud sistemin əsirinə çevrildi. Cinayətkarlıqla mübarizə aparmaq əvəzinə, o və həmkarları birbaşa rəisi polkovnik Kostrominin qanunsuz göstərişlərini yerinə yetirməyə məcbur qalırlar.

Vicdanını qoruyub saxlamaq istəyən Viktor nəhayət öz şöbəsinə qarşı çıxmaq qərarına gəlir. Korrupsiyaya qurşanmış həmkarları üçün o, artıq arzuolunmaz və təhlükəli bir şahidə çevrilir, çünki çox şey bilir və əmrlərə tabe olmur. Sistemi qorumaq üçün keçmiş silahdaşları onu dayandırmağa hər yolla çalışırlar, lakin Popov peşəkar axtarışçıdır və hər gedişini qabaqcadan ölçüb-biçir.

Kriminal drama janrındakı «Axtarışçı» (Rozısknik) serialı 2013-cü ildə Rusiyada çəkilib. Ekran əsərinin rejissoru Armen Nazikyandır. Əsas rolları Aleksandr Lıkov, Natalya Kruqlova, Vladislav Reznik və Kristina Brodskaya canlandırıb.