El cuco de cristal

Gənc intern həkim Klara Merlo qəfil infarkt keçirdikdən sonra ona təcili ürək köçürülür. Əməliyyat başa çatdıqdan sonra donorun anası Klaranı öz şəhərinə dəvət edir ki, qız onun oğlunun necə bir insan olduğunu öyrənə bilsin. Təklifi qəbul edən Klara balaca bir əyalət şəhərciyinə yola düşür.

Onun gəlişi yerli parkda bir uşağın qəfil yoxa çıxması ilə eyni vaxta təsadüf edir. Bu hadisə Klaranı iyirmi il ərzində gizli qalmış qaranlıq sirlərin və müəmmaların mərkəzinə çəkir. Qız tədricən bu qəsəbənin illərdir üstü açılmayan keçmişi ilə üz-üzə qalır.

2025-ci il istehsalı olan «El cuco de cristal» triller serialı İspaniyada çəkilib. Layihənin rejissorluğunu Laura Alvea və Xuan Migel del Kastilyo həyata keçirib. Baş rolları Katalina Sopelana, Alexandro Qarsiya, İtsiar İtunyo və İvan Masseqe canlandırır.