Salamander

Həftəsonu naməlum şəxslər Brüsseldə yerləşən şəxsi bankın anbarına daxil olaraq əvvəlcədən seçilmiş altmış altı seyfi qarət edirlər. Cinayətkarlar sənədlərə toxunmadan yalnız nağd pulları, şəxsi əşyaları və zinətləri götürürlər. Bazar ertəsi rəhbərlik hadisənin üstünü açsa da, polisə xəbər vermir, çünki qutuların sahibləri ölkənin ən nüfuzlu və səlahiyyətli şəxsləridir.

Lakin məlumatçısından hadisə barədə xəbər tutan təcrübəli bir müfəttiş araşdırmaya başlayır. O, yüksək vəzifəli şəxslərin bu cinayəti niyə gizlətməyə çalışdığını və oğurlanmış əşyaların hansı keçmiş hadisələrlə bağlı olduğunu anlamağa çalışır. Beləliklə, «Salamander» serialının qəhrəmanı dövlət səviyyəsində gizlədilən təhlükəli sirlərin izinə düşür.

Belçika istehsalı olan bu kriminal trillerin rejissoru Frenk van Meşlendir. Baş rollarda Filip Peeters, Arianna Fox, Violet Brekman və Tine Reymer çəkiliblər. 2012-ci ildə yayımlanan televiziya layihəsi iki mövsümdən ibarətdir.