Əvəzetmə

Uğurlu memar Ellen böyük bir müqavilə imzaladıqdan dərhal sonra hamilə olduğunu öyrənir. İşindən uzun müddət uzaq qalmaq istəməyən qadın, doğum məzuniyyəti dövründə onu əvəzləyəcək bir mütəxəssis axtarır. Şirkətə gələn eyni yaşdakı Pola illər öncə karyerasını deyil, övladını seçmiş və on yaşlı qız böyütmüş təcrübəli biridir. İlk günlərdən o, işgüzarlığı və mehribanlığı ilə hər kəsin rəğbətini qazanır.

Lakin çox keçmədən Ellen yeni əməkdaşın xoş niyyətli olduğuna şübhə ilə yanaşmağa başlayır. Pola onun analıq hisslərinə görə karyeraya qayıtmayacağını iddia edir və sanki bu yeri həmişəlik tutmaq niyyətindədir. Baş verən dəhşətli qəzadan sonra isə Ellen polisin gəldiyi nəticə ilə razılaşmır və günahkarın kim olduğunu təkbaşına anlamağa çalışır.

2017-ci il Böyük Britaniya istehsalı olan «Əvəzetmə» (The Replacement) serialının rejissoru Co Ehirndir. Triller janrındakı dramda baş rolları Morven Kristi, Viki Makklür, Riçard Rankin və Düqrey Skott canlandırıblar.