Quduzluq

Çexiyanın ucqar kəndlərindən birində bir neçə nəfərin müəmmalı şəkildə qətlə yetirilməsi böyük səs-küyə səbəb olur. Qəzetlər bu faciəni quduzluğa yoluxmuş vəhşi ayının hücumu kimi qələmə verir. Hadisə yerinə ev heyvanlarını peyvənd etmək tapşırığı ilə Pavel adlı gənc virusoloq ezam olunur.

Lakin gənc mütəxəssis araşdırmalara başladıqca irəli sürülən rəsmi versiya ilə razılaşmır. Toplanan dəlillər vəhşi heyvanların bu qəddar cinayətlərdə təqsirsiz olduğunu göstərir. «Vzteklina» triller serialında virusoloq bu ölümlərin arxasındakı əsl həqiqəti aşkar etməyə çalışır.

Çexiya istehsalı olan bu kriminal layihə 2017-ci ildə rejissor Tomaş Barina tərəfindən lentə alınıb. Baş rolları Pavla Beretova, Yohana Matuskova, İqor Krotoviç və İqor Bares canlandırıblar.