Catedrales

Hadisələr 1986-cı ildə Santyaqo şəhərində baş verən amansız hadisə ilə başlayır. Kimsəsiz ərazidə mühafizəkar və dindar Sarda ailəsinin kiçik qızı, on yeddi yaşlı Ananın yandırılmış cəsədi aşkarlanır. İstintaqın buraxdığı ciddi nöqsanlar səbəbindən qatillər tapılmır və cinayət işi bağlanır. Baş verənlərlə barışa bilməyən yeganə şəxs olan bacısı Liya isə ailəsi və kilsə ilə bütün əlaqələrini kəsərək şəhərdən uzaqlaşır.

Otuz ildən çox vaxt keçdikdən sonra, 2018-ci ildə Liya ölüm ayağında olan atasının yanına qayıdır. Atanın son arzusu Ananın ölümü ilə bağlı həqiqətləri aşkara çıxarmaq və illər əvvəlki faciənin təfərrüatlarını öyrənmək olur. Liya keçmişin qaranlıq məqamları və ailəsinin uzun müddət gizlətdiyi sirlərlə yenidən üz-üzə qalır.

ABŞ və Meksika istehsalı olan «Catedrales» serialı 2026-cı ildə ekranlara çıxır. Triller və cinayət janrındakı layihənin rejissor kürsüsündə Fabiana Tiscornia və Pepa San Martín əyləşib, əsas obrazları isə Amparo Noguera, Alfredo Castro, Clemente Rodríguez və Paulina García canlandırıb.