When They See Us

1989-cu ilin yazında Nyu-Yorkun Mərkəzi Parkında ağdərili bir gənc qadın vəhşicəsinə hücuma məruz qalır. Şübhəli qismində Harlem sakini olan beş qaradərili və latınamerikalı yeniyetmə saxlanılır. Hüquq-mühafizə orqanları heç bir əsaslı sübut olmadan onları bu cinayətdə ittiham edir.

Günahsız gənclər məhkəmə tərəfindən həbs cəzasına məhkum olunurlar. «When They See Us» serialı haqsızlığa uğrayan yeniyetmələrin həbsxana illərini, apardıqları hüquqi mübarizəni və azadlığa çıxdıqdan sonrakı həyatlarını əks etdirir.

ABŞ istehsalı olan bu dörd hissəli dram layihəsi 2019-cu ildə işıq üzü görüb. Ekran işinin rejissoru Ava Düverneydir, baş rolları isə Carrel Cerom, Asante Blek, Xəlil Harris və İtan Heriss canlandırıblar.