Sahə

Gənc milis baş leytenantı Pavel Kravtsov həddindən artıq nəzakətli və vicdanlı xarakteri ilə həmkarlarından kəskin seçilir. O, saxlanılan insanlarla belə ehtiyatla davranır və heç kimi incitmək istəmir. Bu cür xüsusiyyətlər şəhər şöbəsində vəzifədə yüksəlməyə imkan vermir, üstəlik həyat yoldaşı da onun bu işə olan sonsuz sədaqətini başa düşmür.

Rəhbərlik şəhər mühitinə alışmış Kravtsovu ucqar Anisovka kəndinə sahə müvəkkili kimi xidmətə göndərir. Əslində bu təyinat bir növ sürgünü xatırladır. Sevdiyi bladhaund cinsli Sezar ləqəbli itini də yanına alan gənc zabit hər şeyi geridə qoyaraq kənd mühitinə alışmağa çalışır.

«Sahə» serialı 2003-cü ildə Rusiyada rejissor Aleksandr Baranov tərəfindən ekranlaşdırılıb. Ekran işində əsas rolları Sergey Bezrukov, Aleksey Buldakov, Pavel Derevyanko və Tatyana Doqileva canlandırıblar.