İdeal

Mançester yaxınlığındakı Salford şəhərciyində yaşayan Moz yüngül narkotiklərin xırda alverçisidir. O, vaxtını demək olar ki, bütünlüklə evində keçirir. «İdeal» serialında baş verən bütün hadisələr Mozun mənzilində cərəyan edir və bu ev qəribə insanların ardı-arası kəsilməyən görüş yerinə çevrilir.

Mozun qapısını döyənlər arasında ona mal gətirən uşaqlıq dostu polis işçisi, pulsuz nəşə axtaran qızlar və mağazada lampa satan gələcəyin iddialı diceyi var. Onların sırasına huşsuz hippi, dəbli gey və bir-birindən fərqli digər qonaqlar da qoşularaq ev sahibinin rahatlığını daim pozurlar.

Böyük Britaniya istehsalı olan bu kriminal komediya 2005-ci ildə yayımlanmağa başlayıb və ümumilikdə yeddi mövsümdən ibarətdir. Layihənin rejissorluğunu Den Zeff və Ben Fuller edib, əsas rolları isə Conni Veqas, Qrem Daff, Nikola Reynolds və Tom Qudman-Hill canlandırıb.