Məni tap

İyirmi səkkiz yaşlı Lena Paris polis idarəsinin ictimaiyyətlə əlaqələr şöbəsində fəaliyyətə başlayır. Onun əsas vəzifəsi təşkilatın nüfuzunu qaldırmaqdan ibarətdir. Eyni vaxtda paytaxtda cinayətlər törədən qatil isə sosial şəbəkələrdən istifadə edərək asayiş keşikçilərini nüfuzdan salmağa çalışır.

İctimaiyyətin inamını bərpa etmək istəyən Lena cani ilə birbaşa əlaqə qurmağı qərara alır. Bu addım gənc qadını təhlükəli qarşıdurmaya sürükləyir. İndi Lena qatilin psixoloji təsirindən qurtulmağın və onun qurduğu tələyə düşməməyin yolunu axtarır.

Fransa istehsalı olan «Məni tap» (Follow) serialı 2023-cü ildə işıq üzü görüb. Ekran işinin rejissoru Lui Farjdır, əsas rolları isə Bastyen Bernini, Vensan Enen, Lui Farj və Aida Asgharzadeh canlandırıb.