Kostas

2009-cu ildə Afina qətllər şöbəsinin komissarı Kostas Xaritos ailəsi ilə dincələrkən baş verən zəlzələ torpaq altında qalmış insan cəsədinin qalıqlarını üzə çıxarır. Məzuniyyətini yarımçıq qoyan polis zabiti paytaxta qayıtmalı olur. Şöbədə onu daha bir ağır cinayət gözləyir: alban əsilli ər-arvadın qətlə yetirilməsi işi də məhz Kostasa tapşırılır.

İstintaq gedən ərəfədə jurnalist Yanna Karageorgi polislə əlaqə quraraq bu hadisələrin uşaq alveri ilə bağlı olduğunu bildirir. Öz araşdırmasını aparan müxbir qısa müddət sonra ölü tapılır. Artıq komissar Xaritos yalnız cinayətləri deyil, jurnalistin ömrünə son qoyan səbəbləri və onun tapdığı gizli faktları da araşdırmaq məcburiyyətində qalır.

İtaliya istehsalı olan «Kostas» kriminal serialı 2024-cü ildə rejissor Milena Kokotstsa tərəfindən çəkilib. Ekran əsərində əsas rolları Stefano Frezi, Luici Di Fiore, Blu Di Martino və Cerri Mastrodomeniko canlandırırlar.