Bal ayı

Məktəbi indicə bitirən Alya doğmalarını gözlənilməz xəbərlərlə sarsıdır. Valideynləri onun hamilə olduğunu öyrənir, uşaqlıq dostu Jenya isə təcili şəkildə saxta ata və qısa müddətlik ər rolunu öz üzərinə götürməli olur. Eyni zamanda qızın sevgilisi və atasının rəisi olan Andrey bu qəfil toy dəvətnaməsi qarşısında çaşqın qalır. Ətrafdakılardan fərqli olaraq, Alya öz addımlarını dəqiq hesablayıb.

Cütlük dostları ilə birlikdə dəniz kənarına səfərə çıxır. Andrey isə bütün vacib işlərini, problemlərini və arvadını kənara qoyaraq onların ardınca Odessaya yollanır. Hadisələr qızın düşündüyü axarla irəliləsə də, bu gedişatın hansı nəticələrə gətirib çıxaracağını heç kim təxmin edə bilmir.

2003-cü il istehsalı olan «Bal ayı» adlı Rusiya serialının rejissoru Oleq Kompasovdur. Əsas rollarda Aleksandr Domoqarov, Tatyana Arntqolts, Aleksandr Lımarev və Vyaçeslav Manuçarov çəkiliblər.