Vəhşinin izi ilə

Müstəntiq Anton Karelin avtomobil oğrularını təqib edərkən əməliyyatçılarla birlikdə təsadüfən «Vəhşi» ləqəbli residivist Qriqori Arxarovu yaxalayır. Bir neçə MDB ölkəsinin axtarışında olan bu təhlükəli cinayətkar qısa müddətdə şöbədən qaçmağı bacarır. Qaçış vaxtı Arxarovun şəriki Şuplıy yaralanaraq xəstəxanada qalır və Vəhşi onu xilas etmək üçün Karelinin oğlunu girov götürərək dəyişdirilməsini tələb edir.

Karelin xidməti vəzifəsini təhlükəyə atıb cinayətkarın yoldaşını xəstəxanadan çıxarsa da, təqib zamanı uşaq həlak olur. Oğlunun ölümünü bağışlaya bilməyən həyat yoldaşı Toma müstəntiqin həyatını cəhənnəmə çevirir. İntiqam almağa and içən Karelin Vəhşinin sevgilisini qaçırır və bu addım qadının ölümünə səbəb olur. Hər şeyini itirən iki barışmaz düşmən bir-birini məhv etmək üçün ardıcıl addımlar atır.

«Vəhşinin izi ilə» adlı kriminal dram serialı 2014-cü ildə Rusiyada istehsal olunub. Layihənin quruluşçu rejissoru Oleq Kuramşindir. Əsas rolları Eduard Flyorov, İlya Drevnov, Anton Yeqorov və Konstantin Bıkov canlandırıblar.