Məni oğurla

On doqquz yaşlı Aqniya hər istəyinin dərhal yerinə yetirilməsinə alışıb. Nüfuzlu şirkətin rəhbəri olan atası tək övladını həddindən artıq ərköyün böyüdüb və bu xasiyyətdən həm özü, həm də ətrafdakılar əziyyət çəkir. Atası qızına mənzil almaqdan boyun qaçırdıqda, Aqniya pulu almaq üçün saxta oğurlanma planı qurur və fidyə tələb edir.

Bu plana atasının şirkətində çalışan sadəlövh və zəhmətkeş işçi Lyoxa Lopuxin də aldanaraq cəlb olunur. Qızının qurduğu oyunu anlayan ata ona dərs vermək qərarına gəlir və Aqniyanı çaşqın Lyoxanın öhdəsinə buraxır. Birlikdə vaxt keçirdikcə gənclər arasında hisslər yaranır, lakin saxta oyun gözlənilmədən həqiqətə çevrilir və qızı doğrudan da qaçırırlar.

Rusiyanın 2013-cü il istehsalı olan «Məni oğurla» («Ukradi menya») kriminal dram serialının quruluşçu rejissoru Vyaçeslav Lavrovdur. Əsas rolları İnna Kolyada, Alyona İvçenko, Aleksandr Averkov və Sergey Jbankov canlandırıblar.