Kain möhürü

Dul qalmış Liza ilə boşanmış Valentin yetkin yaşlarında yeni bir ailə qururlar. Hər ikisinin yetkinlik yaşına çatmış övladları bir-biri ilə tez dil tapır və evdə əmin-amanlıq hökm sürür. Lakin qapıda peyda olan bir gənc Lizanın mərhum ərinin oğlu olduğunu iddia edərək bu sakitliyi pozur.

Ailə məşvərətindən sonra gənci evə qəbul edib ona qayğı göstərmək qərarına gəlirlər. Bu qərar bütün doğmaların taleyini geri dönməz şəkildə dəyişir. Bir müddət sonra şəhərdə qətl hadisəsi baş verir və Liza cinayətdə kimdən şübhələndiyini hətta özünə belə etiraf edə bilmir.

Rusiya istehsalı olan «Kain möhürü» kriminal dram serialı 2017-ci ildə nümayiş olunub. Ekran əsərinin quruluşçu rejissoru Vladimir Fatyanovdur, baş rolları isə Olqa Budina, Dmitri Ulyanov, Alyona Sozinova və Sofya Şerbakova canlandırıb.