Biryuk

Keçmiş qətl şöbəsinin əməkdaşı, ehtiyatda olan mayor Oleq Biryukov on il əvvəl xidmətdən ayrılıb. Əməliyyat zamanı girovun həlak olması onu daxilən sarsıtmış və o, baş verənlərə görə özünü günahkar bilmişdi. Sakit həyat sürən Oleq birinci həyat yoldaşından ağır xəbər alır: atasının yolu ilə gedib polis olan oğlu Maksim qətlə yetirilib. İstirahət günündə ailəsi ilə gəzintidə olan gənc zabit inkasatorlara hücum edən quldurların qarşısını silahsız kəsməyə çalışıb, lakin dəstə başçısı Qozel tərəfindən həyat yoldaşının gözləri qarşısında güllələnib.

Ərinin qatillərinin rəsmi məhkəmə tərəfindən cəzalandırılmasını gözləmək istəməyən gəlin, Biryuka müraciət edərək cinayətkarları şəxsən tapmağı xahiş edir. O, cinayətkarın ölümünü öz gözləri ilə görmək niyyətindədir. Yeganə doğma övladını itirən keçmiş əməliyyatçı yenidən silaha sarılaraq qatillərin izinə düşmək qərarı verir.

2014-cü ildə çəkilmiş «Biryuk» adlı Rusiya istehsalı olan kriminal drama serialının quruluşçu rejissoru İqor Drakadır. Baş rolları İqor Çerneviç, Aleksey Nilov, Alisa Zolotkova və Boris Bedrosov canlandırıblar.